Dialog zwischen Petrus und Engerl

Petrus:

Wo san meine Engerl, ja sakaradi,
wann ih mih net umschau, sans ollwei dahi
im Himmel herobn gibts nu so viel zum toan,
so helfts ma, sunst ziag ih euch glei bei die Ohrn.

Engerl:

Heiliger Petrus, wir san ja scho da,
wir freun uns auf Kindl ja a scho a so,
von deinem Befehl, da wolln ma nix hörn,
du kannst dir die Milchstraßn selber zamkehrn!
Du glaubst wohl, du kannst nur mit uns kommandiern -
wir werdn auf der Welt drunt für's Kind musizieren,
und dös is koa Schmarrn, da müass ma viel probn,
derweil du spaziern gehst im Himmel herobn.

Petrus:

Ös Gfrasta, dös laß ih mir net von euch sagn!

Engerl:

Geh Petrus, du hast nur an Schlüssl zum tragn.

Petrus:

Und ihr fliagts herobn umanand, wias euch gfreit!

Engerl:

Dös hört sö so an, als hättst an Neid!

Petrus:

Drum hörn ma iatzt liaba zum streitn auf.

Engerl:

Und d'Musi, dö spielt uns oan drauf!

Angelika Fürthauer